Such Ki Talash, Neki, & Pehla Clone – #MiniStories #Urdu #Roman

Such Ki Talash. 001

Such Ki Talash. 001

Nieki. 003

Nieki. 003

Pehla Clone. 004

Pehla Clone. 004

                                        Such ki Talash
Tum samajhte ho ki tumhare haath mein jo saheefa hai woh aakhri such hai.
Main samajhta hoon ki mere mushif se barha such aur koi nahi.
Tumhare such aur mere such ke darmiyan kitna tazaad hai.
(saheefa/mushif-Holy scripture; Tazaad-difference)

                                                                                               Neki


Neki kar darya mein daal.
Neki do qism ki hoti hai.
Adh mare zahreele saanp ko doodh pila kar phir se tandrust-o- tawaana bana de. Woh kabhi na kabhi is ka ajar zaroor dega.Bhale ki umeed mat rakhna kyunki yeh uski khislat mein shamil hai hi nahi.Albata bahut mumkin hai ki woh mustaqbil mein tumhare baal bachon ko zaroor dus lega.
Doosre qism ki neki bhi hoti hai. Saanp ko kuchal kar apne baal bachon ko bacha le.
(tawaana-strong; Ajar-repay,reward; khislat-nature;mustaqbil-future)         

Pehla Clone

 

 

Cloning par zor dar bahas chal rahi thi.

Is mein koi do rai nahi ki Hawa duniya ki sab se pehli clone thi jis ko Bagh-e-adan mein Adam ki pasli se banaya gaya tha.
Phir yeh shoorish kaisi ki cloning ki ijazat di jaye ya nahi!
(Hawa-Eve; Bagheadan-garden of Eden; Shoorish- consternation,discussion)

 

   

Leave a Reply